Presidenti serb, Aleksandar Vuçiq ka deklaruar se kur bëhet fjalë për Kosovën siç tha ai ” ne luajmë një lojë shahu pa mbretëreshë dhe topa dhe tentojmë të nxirremi”
Ai për Radio Televizionin e Serbisë ka shtuar se është gati të dëgjojë kritikat, por është e rëndësishme të gjendet një zgjidhje kompromisi.
Kreu i shtetit serb theksoi poashtu se ditëve të fundit ishte i ekspozuar ndaj akuzave dhe fyerjeve të ndryshme por se ai po e bën punën e tij në mënyrë të drejtë dhe të përgjegjshme dhe se është e rëndësishme që njerëzit të dëgjojnë atë që dikush ofron para zgjedhjeve të Beogradit.
Numri një i Serbisë i tha RTS-së se kishte dëgjuar në 15 ditët e fundit se ishte vrasës, kriminel dhe se kishte shtatë shtëpi, por sipas tij prona e familjes Vuçiq jo vetëm që nuk u rrit në pesë vitet e fundit, por u zvogëlua.
