Qeveria e Kosovës e ka hallin të kalimi i aneks-marrëveshjes për Demarkacionin me Malin e Zi, por votat e Listës Serbe ende nuk i ka siguruar.
Madje, këto vota mund të kushtëzohen me formimin e Asociacionit të Komunave me Shumicë Serbe.
Se për Listën Serbe është prioritet Asociacioni e jo Demarkacioni e ka thënë edhe deputeti i kësaj partie, Igor Simiq.
“Për Listën Serbe prioritet është formimi i Asociacionit të Komunave Serbe në Kosovë dhe jo çështja e ndarjes së Prishtinës me Malin e Zi”, ka thënë Simiq.
“Demarkacioni ka rëndësi për shqiptarët në Kosovë, por për serbët është më e rëndësishme të formohet Asociacioni i Komunave Serbe dhe të përmirësohet pozicioni i serbëve në Kosovë”.