Rreth orës 10:30, në rrugën “Ahmet Korenica”, ka ndodhur një plagosje me armë zjarri dhe viktima është dërguar në QKUK për trajtim mjekësor
“Viktima I.V. është plagosur në këmbë dhe është dërguar për trajtim mjekësor në QKUK menjëherë pas rastit”, ka thënë zëdhënësja e Policisë së Kosovës, Flora Ahmeti
Ajo ka konfirmuar se personi i dyshuar për tentim-vrasjen, me inicialet B.Sh., është arrestuar nga Policia dhe me urdhër të prokurorit është dërguar në mbajtje. B.Sh është 33 vjeç.
Shkaqet e kësaj plagosjeje ende nuk janë bërë të qarta.
