A ka pirë ndonjëherë hashash, Erion Veliaj? Ja çfarë thotë kryebashkiaku

Lajme

A ka pirë ndonjëherë hashash, Erion Veliaj? Ja çfarë thotë kryebashkiaku

Më: 23 prill 2017 Në ora: 07:47
Erion Veliaj

Erion Veliaj ka dhënë një intervistë “ndryshe” për emisionin “Me Shukin”. Gazetari e pyet Veliaj për legalizimin e drogës dhe kryetari i bashkisë thotë se shoqëria dhe vendi nuk është gati për këtë hap.

“A e ke provuar ndonjëherë barin”, e pyet Shuki duke e vënë dukshëm në vështirësi Veliajn.

“Unë e kam provuar, s’jam shumë krenar për këtë. Por, kjo është një gjë që e ka bërë çdo adoleshent që është rritur në Tiranë”, thotë Veliaj.

Kruan zërin dhe krijohet një farë pauze. Kryebashkiaku vazhdon: “Por besoj që është tjetër gjë, diçka që një adoleshent e provon për kuriozitet dhe është tjetër gjë diçka një qeveri që e promovon aktivisht. Unë mendoj që problemin do ta zgjidhte legalizimi në Itali, se kështu do të binte oferta. Nuk jam për legalizim në Shqipëri, se ne nuk menaxhojmë dot eksesin”.

Sot mund të lexoni Shfletoni kopertinat