Mediat serbe kanë raportuar të gjithë procesin e gjykimit të liderit të AAK’së, Ramush Haradinaj në një gjykatë në Colmar të Francës
Që nga 4 janari kur Haradinaj u arrestua në aeroportin e Bazelit, në zonën franceze Mulhouse dhe më pas u dërgua në mbajtje, mediat në Serbi kanë qenë të gatshme t’i rrinë gati këtyre gjykimeve.
Edhe kësaj radhe mediat si “Tanjug”, “Kurir” dhe “Informer” por edhe të tjera, kanë raportuar për vendimin e Gjykatës së Colmarit, gjykatësit e së cilës thanë se vendimi për Ramush Haradinajn do të merret më 27 prill.
Media “Kurir” shkruan në titull – “Ekzekutuesi mbetet në Francë, vendimi për të më 27 prill”.
