Kompania e trenave në Serbi “Srbija Voz” ka njoftuar se treni i cili ishte përgatitur për të hyrë në Mitrovicë, tani do të qarkullojë në zonën Kralevë-Jagodinë-Kralevë.
Ai do të ketë përmbajtje me motive të trashëgimise kulturore dhe historike të Serbisë në Kosovë.
Kompania ka caktuar edhe orarin e transportit, duke shtuar se udhëtarët do të mund t’i shohin nga afër pikturat brenda trenit.
Ky tren kishte mbishkrimin ‘Kosova është Serbi’, dhe më 14 janar u ndalua hyrja e tij në Mitrovicë.
Treni u ndal nga autoritetet policore të Kosovës në Rashkë, dhe pas disa orësh pritjeje u kthye në Beograd.