Një nuse britanike dhe të ftuarit e saj u varrosën për së gjalli nën rrënoja, pasi tavani i hotelit ku do të zhvillohej dasma ra mbi ta.
Sarah dhe John Wenham kishin vite që kursenin për të patur dasmën e ëndrrave të tyre në Kubë, që kushtonte më shumë se 25 mijë paundë.
Por ata përfunduan duke vënë jetën e tyre në rrezik, kur tavani i sallës ku do të zhvillohej dasma, në hotelin Sol Rio De Luna y Mares në Kubë, ra papritur dhe i zuri të gjithë poshtë, bashkë me të ftuarit duke plagosur shumë prej tyre.
35 – vjeçarja Sarah tha se fillimisht kishin parë tavanin të lëvizte e më pas ishte dëgjuar një zhurmë e fuqishme. Nusja e re shpjegoi se pjesët që i ranë mbi trup ishin kaq të rënda sa nuk mund të lëviznin.
