Një vajzë 6 –vjeçe në Britani është sulmuar egërsisht nga një qen Bulldog, i cili i ka shkaktuar plagë të tmerrshme. Vajza është shtruar menjëherë në spital, ku i është nënshtruar një operacioni, pasi plagët e marra ishin të shumta.
Ka qenë nëna e vajzës ajo, e cila ka bërë të mundur ta shpëtojë të bijën. Ajo ka qënë në shtëpi gjatë kohës që vajza ishte jashtë duke luajtur dhe pasi ka dëgjuar britmat e së bijës ka dalë menjëherë jashtë. 6 –vjeçarja ka marrë shumë plagë në këmbën e saj të djathtë, shkruan Liverpool Echo.
Përveç plagëve, vajza duhet të shkojë dhe tek psikologu pasi trauma e përjetuar nga kjo ngjarje e tmerrshme mund t’i lerë pasoja të gjata.
“Mendova se vajza ishte duke më vdekur, teksa e pashë kur po sulmohej nga qeni, është shprehur nëna e vogëlushes.