Një aeroplan pasagjerësh doli jashtë pistës me 171 persona në bord, vetëm pasi ai zbarkoi në qytetin perëndimor rus të Kaliningradit.
Siç shkruajnë mediat e huaja, njëra nga “këmbët” e aeroplanit ishte dëmtuar dhe pasagjerët e tmerrar u desh të evakuohen përmes një “rrëshqitëse emergjence”.
Aeroplani Aeroflot A321, i cili po fluturonte prej Moskës, kishte shtatë anëtarë të bordit dhe 164 pasagjerë.
Ai thuhet se u ndalua rreth 150 metra nga pista. Si pasojë, shtohet më tej, tre pasagjerë kanë kërkuar ndihmë mjekësore.
