Në 19 nëntor, e premte, policia federale gjermane ka kontrolluar një veturë tip “VW Polo,” ku krahas shoferit kishte edhe tre pasagjerë, shkruan wochenblatt.de. Automjeti u ndal pak pasi kaloi kufirin austriak. Shoferi ishte serb, 56 vjeç, ndërsa tre pasagjerët ishin shqiptarë të Kosovës, të cilët, nuk kishin dokumenta të rregullta.
Policia gjatë kontrollit sekuestroi një pasaportë serbe, ndërsa personi nuk ishte në veturë. Hetuesit në pyetjet që i kanë bërë serbit kanë gjetur se ai po barte njerëz nga Austria në Gjermani.
Shoferi është kthyer mbrapsht në Austri, ku i është ngritur procedimi penal për trafikimin e qenieve njerëzore./Bota sot/
