Kuvendi e miratoi njëzëri deklaratën e Pavarësisë së Çamërisë.
“Ne përfaqësuesit çam dhe arvanitas të trojeve të aneksuara nga Greqia, pas diskriminimit të gjatë nga Greqia, pas analizimit të gjatë të gjendjes të përndjekur mbi një shekull nga vendi ynë, shkeljes së të gjitha të drejtave vendosëm për formimin e Kuvendit, Qeverisë dhe organeve të tjera”. Menjëherë është pasuar me zgjedhjen e kryetarit të Kuvendit Ahmet Gjanit, i cili u zotua për kryerjen e detyrave me nder.
“Do të vë të gjitha mundësit e mia në shërbim të të Çamërisë”, tha Gjana.
“Deklarata e Pavarësisë, çam dhe arvanitas si banor aktiv, dhe fatit të dëmshëm që ka pësuar kjo popullsi, të detyruar edhe ta lëshojnë territorin, dhe se shteti grek në vazhdimësi ka shkelur të drejtat e kësaj popullsie, mohimit të drejtës të deklarimit të etnisë së tyre,
Duke vërejtur se nga Greqia nuk është bërë asnjë hap për të drejtat e tyre,
Duke u nisur nga vullneti i popullit, të mbledhur në Kuvendin e lirë, si organ kushtetdhënës, e shpallim Çamërinë të pavarur me të drejta të barabarte me Greqinë dhe në bashkësi konfederate me Greqinë”.
Ky Kuvend duke e shpall shtet të barabartë dhe konfederal me Greqinë si fazë tranzicionale, pret konfirmimin e plotë nga Greqia,
Gjuha shqipe dhe greqishtja shpallen të barabarta.
Simbole shtetërore zgjedhet Flamuri me shqiponjë si trashëgimtar të epirotëve.
Shqiptarët janë popull shtetformues.
Organet dhe Kuvendet mbështeten nga çamët dhe arvanitasit.
Deri në nxjerrjen e Kushtetutës, Kuvendi dhe institucionet do të funksionojnë si organe të Republikës së Çamërisë, llogaridhënës para popullsisë arvanitase dhe çame.
Po ashtu u kërkua heqja e ligjit të luftës me Shqipërinë nga Greqia.
Kuvendi mbështet zhvillimin demokratik të Çamërisë dhe Greqisë.
Euro do të jetë valutë zyrtare.
Shqiptarët sot shpallën shtetin e Pavarur të Çamërisë me afër 18 mijë kilometra katrorë, që ndodhet nën okupimin grek, duke krijuar edhe qeverinë e përkohshme.
Kuvendi i Çamërisë krijoi një qeveri me të gjithë resorët, me përfaqësimin e shqiptarëve në Kuvend nga të gjitha trojet shqiptare.
Ahmet Gjani u zgjodh kryetar i Kuvendit të Republikës së Pavarur të Çamërisë dhe kryeministër Festim Laton.
Po ashtu drejtuesit janë zotuar për krijimin e ushtrisë së Çamërisë.
Këshilli për Çamërinë, pas një diskutimi disa orësh publikisht ku kanë shpjeguar të gjitha ndodhitë kryesore historike për fatin e Çamërisë, okupimin nga grekët nëpërmjet vendimeve të Konferencës së Londrës, që prej një shekull ky territori si dhe shumë territore të tjera.
Këshilli gjithëpërfshirës i popullit çam dhe arvanitas, nesër do ta shpallë mëvetësinë e Çamërisë dhe do t’i zgjedh institucionet udhëheqëse që do ta çojnë përpara çështjen çame, deri në përmbushjen e objektivave politike kombëtare të popullit të Çamërisë.
Sipas kryetarit të Shoqatës “Çamëria”, Festim Lato, do të formohet edhe Forca Mbrojtëse e shtetit çam.
“Nesër në Hagë, të gjithë shqiptarët, Kuvendi gjithëpërfshirës, do ta formojmë Qeverinë e Çamërisë. Kjo Qeveri, do të përfaqësojë popullin çam, për të drejtat edhe në konventat ndërkombëtare. Çamëria, së shpejti do ta ketë shtetin e vet, institucionet e veta, do të ketë të gjitha organizatat ndërkombëtare që i takojnë një shteti. Është e pashmangshme, është e paevitueshme. D.m.th është një gjë që është e vendosur”, ka thënë ai për Radio-Kosovën.
Lata, thotë se Çamëria do ta ketë historinë e njëjtë sikur të Kosovës, derisa thekson se shpallja e nesërme e Pavarësisë së Çamërisë dhe formimi i Qeverisë, ka mbështetjen ndërkombëtare.
“Po, nga OKB-ja, Gjykata Ndërkombëtare e Hagës, nga Parlamenti Evropian, nga të gjitha institucionet ndërkombëtare. Shteti i Çamërisë është 17 mijë km katrorë, që gjendet në Çamërinë e sotme që nga, do të themi nga Qafë-bota e kufirit sot shqiptaro – shqiptarë, nuk e quaj shqiptaro – grek, e deri në hartat Prevezë e deri në Janinë , duke përfshirë dhe pjesën e detit që ka Çamëria me ishullin e saj Korfuzin. Nesër totalisht, ajo që ka qenë ëndërr nesër do të bëhet realitet”, ka thënë dje Festim Lato, kryetar i Shoqatës “ Çamëria”.
