Kandidati republikan për president të SHBA, Donald Trump deklaroi se rivalja e tij, demokratja Hillary Clinton mund të provokojë Luftën e Tretë Botërore.
Ai tha se politika e jashtme e Clinton në Siri mund të sjellë Luftën e Tretë Botërore.
Trump tha se SHBA duhet fokusuar në mposhtjen e Shtetit Islamik, më shumë se tek largimi i presidentit sirian.
Clinton ka propozuar një zonë ndalim-fluturimi mbi Siri.
Por ushtarakët e lartë amerikanë thonë se kjo mund të ndezë konfliktin me rusët në rajon.
Kampi i Clinton i është përgjigjur Trump duke i thënë se ai synon të luajë me frikën e amerikanëve.
Ndërkohë një sozi e Trump ndaloi trafikun në Nju Jork, teksa bënte paradë me disa modele me bikini.
Kjo ishte një tjetër parodi e komedianes dhe fotografes britanike, Alison Jackson.
Parada u zhvillua përpara kullës së famshme të Trump.
Kjo ishte një ironi pas akuzave se Trump ka ngacmuar seksualisht shumë femra.