Një avion i kompanisë British Airways në fluturimin nga San Francisco në Londër, është detyruar të aterrojë në Vankuver të Kanadasë, pasi anëtarët e ekuipazhit nuk u ndjenë mirë, tha të martën kompania.
Një zëdhënëse e British Airways Michele Kropf, tha se 25 anëtarë të ekuipazhit u pranuan në spitalet lokale për kontroll por tani janë liruar. Ajo tha se asnjë nga udhëtarët nuk u shtri në spital.
Kropf tha se ekuipazhi nuk u trajtua për problemet me frymëmarrjen siç u njoftua më heret.
British Airways nuk komentoi problemet e shkaktuara. Kompania tha përmes një kumtese se stafi i saj në Vankuver ka përgatitur akomodimet në hotel për të gjtihë udhëtarët dhe do t’ua prenotojë fluturimet alternative sa më shpejt të jetë e mundur.
Avioni u ul në Vankuver të hënën rreth orës 23.30 minuta, tha një zëdhënës i aeroportit në Vankuver.
