Infermieria Gjermane, nuk po i nxisim për punë në Gjermani

Lajme

Infermieria Gjermane, nuk po i nxisim për punë në Gjermani

Më: 8 tetor 2016 Në ora: 12:08
Monika Rode

Papunësia në Kosovë, duke përfshirë edhe stafin shëndetësor dhe mbajtja e dy vende pune për të siguruar ekzistencën e familjes, iu kumtua edhe profesoreshës së shkencave infermierike në Gjermani, Monika Rode.

Monika Rode po qëndron për të dytën herë në Kosovë, pas vitit 2013, ku kishte vizituar edhe klinikat në Kosovë, për të parë edhe punën e infermierëve në Kosovë. Për këtë ajo në një intervistë për KosovaPress është shprehur se për tri vite Kosova ka ndryshuar për të mirë, por studentët kanë nevojë për një specializim të ngushtë, sidomos tek kujdesi ndaj të moshuarve, ku janë parë disa mangësi.

Rode tha se po mundohen që sistemin e shëndetësisë së Gjermanisë ta sjellin edhe në Kosovë, duke synuar që studentët t’i shkollojnë por jo edhe t’i nxisin për punë në Gjermani.

Rode: Qëllimi ynë nuk është t’i nxisim për punë në Gjermani

“Sistemi shëndetësor është i ndryshueshëm pak dallon prej Kosovës. Atje kemi spitale që janë të spitalizuara me lami të ndryshme, qoftë rehabilitimi, fizioterapia, apo edhe mjekimi çfarëdo mjekimi të jetë i sëmundjeve primare por qëllimi ynë është tek që kemi nevojë për kuadro infermierore, qëllimi ynë është që këto t’i shkollojmë me ato drejtime, ato lami infermierët për me i përmbush kushtet apo kërkesat që i ka tregu shëndetësor në Gjermani. Përkundër nevojës tonë për infermier të shkolluar apo të kualifikuar në profile të caktuara qëllimi ynë është këtu që në Kosovë të i arsimojmë infermierët dhe që komfor atij arsimim edhe të veprojmë madje vetëm në Kosovë, nuk është qëllimi ynë që ata t’ i nxisim për të shkuar jashtë me punu por që të shkollohen në  mënyrë të duhur por të veprojnë e punojnë këtu në Kosovë që i përfitojnë prej neve”, tha Rode për KosovaPress.

Profesoresha Rode tri vite pas rikthimit në Kosovë thotë se Kosova ka shënuar ndryshime.

Rode: Shoh shumë ndryshime, ka mangësi në kujdesin ndaj të moshuarve

“Shoh ndryshime për të mirë, për fat të mirë, aq më tepër që shumica prej studentëve veç atyre që kanë mësuar kanë filluar me implementu ato në veprimtarinë e vetë të përditshme aq më tepër ka nevojë  ndoshta për specializime të ngushta, p.sh kujdesi ndaj të moshuarve ku aty janë disa mangësi por gjithsesi  studentët janë ka veprojnë në atë drejtim që të përvetësojnë njohuri, ide të reja dhe t’i aplikojnë ato në punën e tyre të përditshme”, tha Rode.

Megjithatë, ajo tha se vështirësitë buxhetore e vështirësojnë edhe shëndetësinë, duke bërë që ajo të ballafaqohet me sfida të ndryshme.

Infermierët e ardhshëm ajo i ka lëvduar, pasi që siç tha studentët kanë filluar që të ofrojnë shërbime kualitativë.

Rode: Edukimi shëndetësor i infermierëve të ardhshëm i kënaqshëm

“Ajo çfarë është për t’u lavdëruar është se në nivelin themelor apo bazik edukim shëndetësor i infermierëve  të ardhshëm  është i kënaqshëm apo në drejtim që e kemi paraparë ose mendojmë ta realizojmë. Si çdo kund ka diferenca  në performancën e secilit infermier apo infermiere në punën e vet, për fat të mirë studentët tanë kanë filluar të tregojnë një përmirësim në ofrimin  e shërbimeve kualitative, infermierore kështu që kjo është një gjë pozitive edhe për neve si mësimdhënës që do të vazhdojmë në këtë drejtim. Ka mangësi por për fat të mirë ato janë duke u korrigjuar”, tha Rode.

Me t’u përmendur Kosova, Rode ka në mendje popullatën e dashur, ku siç rrëfen ajo bashkëpunimi dhe afërsia e njerëzve, janë arsyet të cilat po e tërheqin që të vie sa më shpesh në Kosovë.

Gjithashtu, ajo tha se të rinjtë e Kosovës kanë kapacitet për t’u avancuar në profesionin e tyre.

Rode: Të rinjtë e Kosovës kapacitete për aftësim profesional

“Gjëja e parë që kur përmendet emri Kosovë ajo që më le përshtypje është që një vend i bukur me popullatë të dashur, të afër dhe gjithmonë që më tërheq me ardh...Në të njëjtën kohë duke e parë që popullata, e posaçërisht të rinjtë kanë kapacitet  për me avancuar, për me përparuar secilin  profesionin e vet të caktuar ajo është një fakt që më gëzon. Nga ana tjetër është një çështje tjetër që një numër i madh i popullatës qoftë nuk kanë ta ardhura apo nuk kanë të ardhura të mjaftueshme kështu që kam pa, kam ndi, dhe më kanë treguar se edhe punëtorët shëndetësor duan të punojnë në dy vend të pune për me mujt me përkrah familjen dhe për me i siguruar një far ekzistence. Kjo edhe reflektohet në atë që kemi edhe lëvizje të  popullatës prej Kosovës në Gjermani”, tha Rode.

Se ata që lëvizin për të kërkuar punë nga Kosova në Gjermani quhen refugjatë, profesoresha e infermierisë në Gjermani, tha se këta njerëz janë më shumë kërkues të punës, dhe jo refugjatë.

Sot mund të lexoni Shfletoni kopertinat