Këngëtarja Zanfina Ismaili rikthehet në skenë me projektin e saj më të ri, këngën dhe videoklipin “M”, projekt ky që i kushtohet nënës së saj të ndjerë, Mona Ismailit.
Ndonëse humbja e nënës ishte një tragjedi shumë e rëndë për të, Zanfina gjeti forcën për t’u rikthyer në muzikë, dhe për ta çuar në fund amanetin e nënës së saj, i cili ishte vazhdimi i suksesit në muzikë për të bijën.
Kënga është e zhanrit baladë dhe është punuar nga RedBox. Videoklipi është punuar me mjaft kujdes nga XL Films, e ndërsa në të Zanfina shfaqet mjaft e ndjeshme, dhe si një ëngjëll pranë detit.
Ky projekt është punuar me një përkushtim shumë të madh, gjersa vetë ajo është shprehur se të gjithë mund ta gjejnë veten e tyre në këtë këngë.
Kënga pritet të jetë një sukses i padiskutueshëm, e ndërsa këngëtarja do të vazhdojë me realizimin e projekteve të reja, dhe paraqitjen e saj nëpër koncerte, ku do të jetë sa më afër publikut.
