Policia e Floridës në SHBA ka konfirmuar se fëmija 2 vjeçar, i cili u rrëmbye nga një aligator në një resort ka mbetur i vrarë dhe se autoritetet po punojnë për të gjetur trupin e tij të pajetë.
Kur kanë kaluar 15 orë nga incidenti zyra e zonës bëri të ditur se nuk ka asnjë mundësi që 2 vjeçari të gjendet i gjallë.
Ngjarja e rëndë tronditi mbarë opinionin vendas, por edhe atë ndërkombëtar kur mediat raportuan se 2 vjeçari i cili shëtiste në bregun e resortit Disney Grand Floridian u tërhoq nga një aligator brenda në ujë.
Gjithçka ndodhi mbrëmjen e së martës. Babai i djalit hyri në ujë për të tërhequr nga aligatori, por gjithçka ishte e kotë, bëjnë të ditur autoritetet.
Më herët 50 policë dhe ekspertë u vunë në kërkim të fëmijës, por pas orësh kërkimesh forcat e sigurisë arritën të dilnin në konkluzionin se aligatori ka sulmuar fëmijën për vdekje.
Kjo nuk është hera e parë që në SHBA regjistrohet një incident i tillë ose i ngjashëm. Që prej vitit 1948, 22 persona janë vrarë nga aligatorët vetëm në shtetin e Floridas.