Rama: Të prishim vëllazërinë në krim mes politikës dhe gjyqësorit

Shqipëria

Rama: Të prishim vëllazërinë në krim mes politikës dhe gjyqësorit

Më: 15 qershor 2016 Në ora: 19:58
Edi Rama

Në një konferencë për media, pas takimeve që pati me kreun e Kuvendit, Ilir Meta, si dhe me ambasadorin e Shteteve të Bashkuara, Donald Lu, kryeministri i Shqipërisë, Edi Rama ka theksuar se sot ka ardhur momenti i së vërtetës dhe i ndarjes së të shkuarës nga e ardhmja.

“Ka ardhur momenti që vëllazëria në krim mes politikës dhe gjyqësorit të prishet dhe të mos pranojmë më që gjykatat, të cilët kanë liruar kriminelë, të kalojnë testin e radiografisë”, tha Rama, duke iu referuar procesit të quajtur “vetting”.

I nxitur nga pretendimet e Partisë Demokratike për “moskapje të drejtësisë nga politika”, kryeministri Rama është shprehur se pikërisht mosfutja e duarve të partive në procesin e skanimit dhe vlerësimit të anëtarëve të sistemit të drejtësisë është shkak, që shumica qeverisëse ka pranuar mosemërimin e gjykatësve me shumicë të thjeshtë dhe as me 3/5-tat, por me 2/3-tat.

“PD-ja vazhdon të tregojë përralla nga frika e Reformës në Drejtësi. E dimë shumë mirë që të 9 anëtarët e Gjykatës Kushtetuese janë zgjedhur nga qeveria e PD-së, ndërsa 16 nga 17 anëtarët e Gjykatës së Lartë po ashtu janë zgjedhur prej qever isë së shkuar. Shumë prej tyre madje janë zgjedhur edhe me shumicë të thjeshtë, jo më me 3/5-tat për të mos folur me 2/3-tat”, theksoi Rama.

Në fund, kryeministri Rama theksoi se dyert e Bashkimit Evropian për çeljen e negociatave të anëtarësimit të Shqipërisë janë të hapura, por me kushtin që kjo Reformë në Drejtësi të miratohet dhe të mos kalohet “vija e kuqe” e vendosur si e tillë jo vetëm prej shumicës qeverisëse, por e kërkuar edhe nga Shtetet e Bashkuara dhe Bashkimi Evropian.

Sot mund të lexoni Shfletoni kopertinat