Dhimbja për fëmijën e sëmurë e bën ta harrojë varfërinë e skajshme Ylber Latifin nga fshati Metehi në Komunën e Podujevës.
Ai me lot në sy tregon se do jetonte edhe 100 vjet të tjera në skamje vetëm e vetëm t’i shërohej djali.
Lotët e burrit nga Podujeva shtohen kur flet për problemet e tretjes që ka Argjendi trevjeçar.
Me gjithë këto probleme, Familja Latifi as ndihmë sociale nuk merr nga shteti.
Kurse shuma e operimit për Argjendin është e papërballueshme.
“Shtatë mijë e 800 euro. Kush ka zemër e shpirt me i ndihmu k’ti fëmije, tybe s’po di, ma vështirë se me pa evlatin n’kët gjendje s’ka”, thotë Ylber Latif, pa i ndalur asnjëherë lotët.
