Gjiganti gjerman, Audi, ka shpalosur modelet e reja A5 dhe S5 në Gjermani.
“Kemi më shumë performancë dhe efikasitet më të lartë, më shumë hapësirë dhe specifikat sjellin këto modele në nivelin e automobilave luksozë”, ka thënë Rupert Studler, drejtori i Audi.
Audi A5 vjen në pesë lloje motorësh në Evropë, por nuk janë treguar detaje të shumta për modelin.
Ndërsa për modelin S5, vetura e re vjen me motor 3.0-litërsh V6 me 354 kuajfuqi. Sprintin prej 0 në 100 kilometra në orë, Audi i ri e arrin për vetëm 4.7 sekonda.
Mund të zgjidhet edhe modelet me motor 2.0-litërsh TFSI me 188 kuajfuqi.
Veturat e reja dalin në shitje në vjeshtë me një çmim prej më shumë se 40 mijë euro.
