Rekomandimi për liberalizimin e vizave për Kosovën tashmë është punë e kryer.
Eurodeputeti kroat, Tonino Picula, po ashtu edhe udhëheqës i delegacionit për Marrëdhënie me Bosnjën e Hercegovinës dhe Kosovën, Tonino Picula, nëpërmjet një komunikate dërguar mediave ka uruar rekomandimin që Komisioni Evropian i ka dhënë Kosovës për liberalizimin e vizave.
“E mirëpres njoftimin e sotëm nga Komisioni Evropian për rekomandimin e vizave për qytetarët e Kosovës. Ky është një lajm për të cilin po prisnin qytetarët e Kosovës për një kohë të gjatë. Ne, në Parlamentin Evropian po përpiqeshim për këtë në mënyrë të rregullt”, ka shkruar ai.
