CIA përkujtoi një ditë më parë përvjetorin e vdekjes së Ossama Bin Laden me anë të një postimi në Twitter, pesë vite më pas të sulmeve ajrore nga forcat speciale amerikane mbi godinën ku banonte themeluesi i Al-Kaedës në Pakistan.
“Për të përkujtuar përvjetorin e pestë të operacionit ndaj Ossama Ben Laden në Abbottabad ne po e përcjellin në Twitter sulmin ajror sikur të zhvillohej sot".
CIA publikoi në Twitter foton e famshme të presidentit Barack Obama duke ndjekur zhvillimet e operacionit me përfaqësues të tjerë të lartë amerikanë në sallën e konferencave të Shtëpisë së Bardhë.
“Helikopterët largohen nga Afganistani për t’u orientuar drejt Abbottabadit në Pakistan, #UBLSulm Ajror”, mund të lexohej për shembull në llogarinë e agjencisë së shërbimeve sekrete amerikane.
“3:30 PM – 2 helikopterë ulen mbi rezidencën e banimit në Abbottabad në Pakistan, helikopteri i parë rrëzohet, por sulmi vijon pa vonesë #UBLSulm Ajror”, shkruan ai në një tjetër postim në Twitter.
Disa minuta më vonë “3:39 PM – Ossama Ben Laden gjendet i vrarë në katin e tretë #UBLSulm Ajror”
Pos timi online i CIA-s ka ngjallur menjëherë reagime në rrjetin social, por jo domosdoshmërisht në mënyrë pozitive.
“@CIA ndoshta më 6 gusht do të postoni gjithashtu në platformën Twitter tragjedinë e Hiroshimës ? Nuk ju përcjell sadopak kjo ngjarje një ndjesi të keqe ? ” shkruan në një postim në Twitter, Kris Knight.
