Mungesa e pjesëmarrjes së deputetëve të koalicionit qeverisës PDK-LDK, në seancat e Kuvendit të Kosovës, ka bërë që të kritikohen kryeministri dhe kryetari i LDK-së Isa Mustafa dhe Kadri Veseli u.d i kryetarit të PDK-së dhe kryetar i Kuvendit të Kosovës.
Kritika u ka ardhur nga deputeti i LDK-së dhe nënkryetari i Kuvendit Sabri Hamiti. Ai ka thënë se mungesa e deputetëve në seanca nuk është punë që duhet të diskutohet në Kuvend, por që kjo duhet të zgjidhet nga Mustafa e Veseli në bashkëpunim me shefat e grupeve parlamentare.
Hamiti po ashtu ka kundërshtuar që Kuvendi të shkojë në pauzë për 10 minuta pasi në sall po marrin pjesë vetëm 49 deputetë.
