Të dielën, më 1 Maj, në Prishtinë do të mbahet marsh për të drejtat e punëtorëve.
Iniciativa Vullnetare ‘’NGRITE ZËRIN’’, tash e 6 muaj është duke punuar në një hulumtim në terren lidhur me respektimin e të drejtave të punëtorëve në sektorin privat.
Përveç marshit, që fillon ora 12:00, ku nisja do të bëhet nga Sheshi “Zahir Pajaziti’’ në drejtim të ndërtesës së Qeverisë së Republikës së Kosovës, do të ketë edhe publik të raportit të lartpërmendur.
Në raport janë përfshirë anketimet e rreth 500 punëtorëve që punojnë në sektorin privat.
Qëllimi i hulumtimit është që të shtyhen tutje avokimet për respektimin e të drejtave të punëtorëve, pasi që raportet e deritashme dhe hulumtimi që është zhvilluar, sipas Iniciativës, tregojnë pozitën e vështir në të cilën gjendet kjo pjesë e shoqërisë.
