Prokuroria e Parisit, ka njoftuar se është gjetur një ADN e panjohur në dy jelekët e mbushur me eksploziv, që ndërlidhen me sulmet ne kryeqytetin francez në nëntor të vitit të kaluar.
Autoritetet franceze, ende nuk e kanë konfirmuar numrin e saktë të personave që ishin të përfshirë në sulmet e ekstremistëve islamikë gjatë vitit të kaluar.
Një pastrues rrugësh ka gjetur një jelek me eksploziv në periferi të Parisit, Montrouge, në afërsi të vendit ku është gjetur telefoni mobil i sulmuesit të arratisur Salah Abdeslam, që tregon qartë se ai kishte ndërprerë misionin vetëvrasës. Ai vazhdon të jetë në liri.
Por prokuroria e Parisit, ka konfirmuar sot se ADN-ja e gjetur një jelekun me eksplozivë nuk i përket Abdeslamit por një personi të panjohur.
ADN-ja e këtij personi është gjetur gjithashtu në jelekun e vëllait të Abdeslam, Brahim, i cili më 13 nëntor të vitit të kaluar hodhi vetën në ajër në Paris. E njëjta ADN është gjetur në një apartament në Belgjikë.