Të gjithë e njohin si “La Padrona”, për shkak të metodave të saj brutale në ekzekutimin e urdhrave dhe mënyrës së veprimit.
55-vjeçarja Guadalupe Fernandez Valencia është arrestuar mëngjesin e sotëm në Culiacan, Meksikë.
Ajo njihej si “lavatriçja” apo “bankomati” i kriminelit të njohur El Chapo.
“Padrona” merrej me pastrimin e parave të drogës duke i investuar miliardat e kartelit Sinaloa në vende të ndryshme.
Një arrestim i rëndësishëm për të ndjekur rrjedhën e qarkullimit të parave të drogës.
Prej muajsh ajo ishte në kërkim dhe Uashingtoni zyrtar kishte dërguar një kërkesë ekstradimi.
Pas “El Chapos” ajo ishte figura më e rëndësishme e kartelit të drogës Sinaloa.
