Kryetari i Bashkimit Demokratik, Ali Ahmeti ka komentuar nënshkrimin e marrëveshjeve midis Shkupit dhe Prishtinës për kalim të kufirit vetëm me letërnjoftime, duke thënë se e ardhmja e rajonit tonë është heqja e kufijve mes nesh dhe integrimi i përbashkët në BE dhe NATO.
Ja postimi i Ahmetit në facebook:
Lajmi për nënshkrimin e marrëveshjeve midis Shkupit dhe Prishtinës për kalim të kufirit vetëm me letërnjoftime dhe të hapjes së vendkalimit të ri kufitar vjen në vigjilje të përvjetorit të 8 të pavarësisë së Kosovës.
Shumë shokë tanë ranë për pavarësinë e Kosovës dhe për të mos patur më kufij, andaj dhe s'kishim se si mos të punojmë në këtë drejtim, dje me Shqipërinë, sot me Kosovën.
E ardhmja e rajonit tonë është heqja e kufijve mes nesh dhe integrimi i përbashkët në BE dhe NATO.
Urime të gjithëve.
