Njohësi i çështjeve politike Imer Mushkolaj, ka komentuar takimin e thirrur nga ana e presidents Atifete Jahjaga, rrjedhimisht edhe konfirmimin për pjesëmarrje të liderit të AAK-së, Ramush Haradinajt.
Sipas tij, nuk ka ndonjë të keqe, po qe se opozita shkon në këtë takim. Por siç ai është shprehur, për ta bërë të qartë alternativën e opozitës.
“S’ka kurgjo t’keqe me shku n’takim te presidentja. nji mundësi me e bo t’qartë edhe njiherë opsionin e opozitës”, ka shkruar ai në facebook.
Ndryshe, pjesëmarrjen në këtë takim e ka konfirmuar vetëm AAK-ja, përderisa dy partitë e tjera opozitare, VV dhe NISMA, e kanë refuzuar bindshëm.
