Digjet automjeti i policit në veri të Mitrovicës

Lajme

Digjet automjeti i policit në veri të Mitrovicës

Më: 6 shkurt 2016 Në ora: 07:35

Një automjet ‘Mitsubishi’ ngjyrë hiri është djegur sot rreth orës 04:00 të mëngjesit në rrugën ‘Nemanjina’ në veri të Mitrovicës, por përveç dëmeve materiale, nuk ka të lënduar në njerëz.

Burime të KosovaPress-it, bëjnë të ditur se automjeti është pronë e policit Nebojsha Miliq, i cili punon në Njësitin anti-drogë.

Sipas këtyre burimeve, dyshohet se automjeti është djegur qëllimshëm nga pjesëtarët e grupit të njohur për huliganizëm në atë pjesë ‘KM Firm 028 Sever’.

“Pikërisht polici Miliq kishte arrestuar muaj më parë njërin nga udhëheqësit e këtij grupi, i cili dyshohej për posedim, përdorim dhe shitblerje të narkotikëve, andaj dyshohet se incidenti ka të bëjë me hakmarrje ndaj policit”, kanë thënë burimet.

Sot mund të lexoni Shfletoni kopertinat