Ministrja e brendshme e Gjermanisë, Ursula von der Leyen (57, CDU), ka treguar planin gjashtë pikësh për tabloidin gjerman Bild.de, me të cilin, mund të fitohet ISIS. Në vijim Bota sot ua sjell të plotë strategjinë gjermane sesi mund të mposhtet përgjithmonë dhuna fetare që ka kapluar Sirinë dhe Irakun.
1. Të mobilizohemi të gjithë sëbashku
Suksesi më i madh i ISIS është te mos bashkëpunimi i kundërshtarëve të tij. Andaj lypset një aleancë më konkrete dhe bashkëpunim më i frytshëm mes Francës, SHBA, Rusisë, Iranit, Kinës, Turqisë, vendeve arabe dhe Gjermanisë. Pse jo, trupat e Assadit mund të jenë pjesë e koalicionit të anti terrorit.
2. Të tregojmë forcën ushtaraka
Gjermania furnizon me armë kurdët e Peshmerga, trajnon ata ushtarakisht dhe së shpejti do marrë pjesë me bombardime ajrore kundër ISIS me avionet e saj tornado.
Qëllimi te lufta kundër ISIS duhet të jetë: Dobësimi i saj, kufizimi i ekspansionit të mëtutjeshëm të ISIS, të pushtohen me rradhë qytet mbas qyteti, të shkatërrohen barrelat e naftës dhe kampet e trajnimit, të demitizohet “nimbusi” i të pamposhturve.
3.ISIS të luftohet në ccdo fushë
Jo vetëm në Siri dhe Irak duhet të mposhtet ISIS, por edhe në rrjetet sociale dhe vendet perëndimore ku janë të pranishëm me celula. Vende si Mali, Tunizia, Jordania dhe Libani duhet të stabilizohen brenda kësaj periudhe.
Për këtë na nevojitet më tepër bashkëpunim ndërshtetëror mes agjensive të sigurimit dhe intelegjencës.
4.Të ndajmë Islamin nga ISIS
Tu sqarohet popullatës vendase në vendet arabe se Islami nuk ka të bëjë me ISIS dhe të mos mbështetet në asnjë formë nga civilët. Të evitohet legjenda e ISIS se Islami është në luftë me kryqtarët e perëndimit.
5. Konferencë internacionale
Duhet të organizohen konferenca rajonale dhe ndërkombëtare mes shteteve që luftojnë ISIS. Të diskutohet mundësia e thithjes së fondacioneve për rindërtimin dhe zhvillimin e regjioneve të luftës. Të krijohet një skenar sesi të jetojnë popullata e atyre vendeve pa ISIS.
6. Nevojitet një debat konkret për zanafillën e urrejtjes dhe radikalizimit
Liderët e botës islame dhe imamët duhet të marrin përsipër që të mos lejojnë grupet e ISIS të interpretojnë se çfarë është harami dhe hallalli në Islam. Të analizojmë edhe radikalizimin e të rinjve në vendet tona. Vetëm atëherë mund të fitojmë rrethin djallëzor dhe dhunën me Shtetin Islamik./Bota sot
