Deputeti i Lëvizjes Vetëvendosje, i cili gjendet në arrati, ka thënë se nuk do seancë pa u arrestuar të gjithë deputetët e opozitës.
Ky është postimi i Topallit në Facebook
- A do të arrestohen sot edhe deputetë të tjerë të opozitës?
Koalicioni qeverisës vendosi edhe një herë që kaosi në Kuvend të vazhdoj. Mesazhi i sajë është: „ne jemi kundër dialogut dhe çfarëdo kompromisi me ju“. Ndryshe s’ka si të shpjegohet vendimi për tu mbajtur mbledhja e sotme e Kuvendit, përkundër paralajmërimit të opozitës për ta penguar vazhdimin e saj. Tërheqja nga marrëveshjet do të bënte të mundshëm menjëherë të mundshëm funksionimin e Kuvendit por këtë qeveria nuk e donë. Thaçi, Mustafa dhe Kadri Veseli gabojnë në llogari. Nëse mendojnë se opozita do të dorëzohet në Kuvend, kjo nuk do të ndodhë pa u arrestuar edhe deputeti i fundit i saj. Fundja edhe kur burgosen të gjithë, ata që i kanë zgjedhur këta deputet nuk do të lejojnë zbatimin e marrëveshjeve me Serbinë. Pra dhuna policore dhe ndjekja e deputetëve nuk është zgjidhje. Kuvendi sot është i rrethuar nga forca të mëdha të policisë. Në parkingun e Kuvendit kam më shumë vetura të policisë dhe furgon se sa makina private të deputetëve dhe personelit. Sot do të arrestohen edhe deputet të tjerë të opozitës. Kështu len pushteti për të nënkuptuar. Brenda Kuvendit në çdo hyrje, çdo shkallë, çdo derë janë vendosur forca të sigurisë. Definitivisht Kosova është kthyer në një shtet policor. Mustafa, Thaçi dhe Veseli po e qojnë vendin drejtë një polarizimi të skajshëm për të cilin askush nuk mund ta llogarisë se si do të përfundoj. Hiqni dorë nga kthimi i Serbisë në Kosovë sepse petku i Serbisë është tepër i ngushtë për të ia veshur dëshirës dhe përpjekjes së madhe të një populli për të jetuar i lirë. Kosova nuk e duron më petkun e Serbisë, me Isa Mustafën, Hashim Thaçin e Kadri Veselin, apo pa ta. /BS
