Dhunimi i selisë së Vetëvendosjes nga policia e Kosovës dhe arrestimi i Albin Kurtit ditën e djeshme gjatë protestës së opozitës, ka ngjallur reagime të shumta tek liderët politik në Shqipëri.
Reagimit të tyre, i është bashkuar edhe kreu i Aleancës KUQeZI, Kreshnik Spahiu.
Me anë të një letre, drejtuar Prokurorit të Përgjithshëm të Kosovës, Spahiu i ka kërkuar lirimin e ish-kreut të VV, Albin Kurtit.
“Mos arrestoni opozitën, por qeveritarët e korruptuar të Kosovës”, shkruan kreu i AK-së.
Në letër, ai bën me dije se arrestimi i Albin Kurtit nuk është asgjë tjetër, veçse burg politik për opozitën.
Ndërsa, ka theksuar se koha e burgosjeve politike në Kosovë, rikthen politikën serbe, tashmë të tejkaluar për realitetin në të cilin ndodhet vendi.
“I drejtohem Prokurorisë-shkruan Spahiu- se Kosova ka nevojë për stabilitet dhe jo anarki”.
Në fund të letrës, kreu i AK-së, Kreshnik Spahiu thekson se Prokuroria e Kosovës nuk mund të jetë kërbaç i Hashim Thacit.