Për subjektin politik Nisma për Kosovën, Prishtina sot është Vlora e Shqiptarisë.
Nisma, nëpërmjet një komunikate për medie bën të ditur se dhjetëra mijëra qytetarë janë nisur drejt Prishtinës, për të marr pjesë në manifestimin e organizuar nga opozita, kundër marrëveshjeve të Brukselit.
"Tashmë dhjetra mijëra qytetarë nga e tërë Kosova janë nisur për Prishtinë. Sot Prishtina është Vlora e shqiptarisë. Të gjithë këta kanë vetëm një mezash: Zajednica dhe Demarkacioni nuk kalojnë.
Ftojmë të gjithë qytetarët, djemë e vajza të reja, të nisen drejt Prishtinës, që bashkarisht, në këtë ditë të madhe për shqiptarët, të marrim pjesë në këtë Manifestim Paqësor, që fillon sot në ora 14:00, në sheshin Zahir Pajaziti në Prishtinë", theksohet në komunikatën e Nismës./BS
