Mali i Zi humb çështjen gjyqësore në Strasburg

Lajme

Mali i Zi humb çështjen gjyqësore në Strasburg

Më: 25 nëntor 2015 Në ora: 20:25

Gjykata për të Drejtat e Njeriut në Strazburg në një vendim të lëshuar të martën, gjeti fajtore qeverinë e Malit të Zi për përdorim dhune policore.

Gjykata e Strazburgut, vendosi në favor të shtetasve Pjetër Dedvukaj dhePjetër Sinishtaj, shtetas amerikanë, me origjinë shqiptare nga Mali i Zi, të cilët ishin ankuar për përdorim dhune nga forcat policore pas arrestimit.

Gjykata ndërkohë nuk pranoi ankesën e dy shtetasve të tjerë, Rrok Devukaj dhe Kolë Dedvukaj.

Të katër paditësit, shtetas amerikanë, ishin pjesë e një grupi prej 18 personash të arrestuar në vitin 2006, një ditë para zgjedhjeve vendore në Mal të Zi. Të gjithë ata u akuzuan për komplot dhe përgatitje aktesh teroriste në Mal të Zi dhe u dënuan nga dy muaj deri në 10 vjet burgim.

Duke reaguar pas dhënies së vendimit, Këshilltarja për Çështjet e Ballkanit, të Lidhjes Qytetare Shqiptaro-Amerikane, Shirley Cloyes DioGuardi tha se shoqata që ajo përfaqëson është e zhgënyer me vendimin ndaj Kolë Dedvukajt dhe Rrok Dedvukajt dhe po shqyrton mundësinë e apelimit të vendimit.

Sot mund të lexoni Shfletoni kopertinat