Zv/kryeministri i Kosovës, Hashim Thaçi thirrjen e opozitës për manifestim paqësor më 28 Nëntor e ka cilësuar si thirrje për manifestim të dhunshëm.
Ai këto komente i bëri në një linjë direket për transmetusin publik nga Berlini.
“28 Nëntori është festë e gjithë shqiptarëve kudo që jetojnë. Është festë e bashkimit, solidaritetit, gëzimit etj. Paralajmërimet e krerëve të opozitës për manifestim të dhunshëm janë të rrezikshme për shtetin e Kosovës dhe qytetarët e saj”, ka thënë Thaçi.
Ai më pas u ka bërë thirrje qytetarëve që të distancohen sipas tij nga këto paralajmërime për manifestim të dhunshëm.