Drejtori i Zyrës Serbe për Kosovën, pak më parë nga Brukseli në një konferencë të jashtëzakonshme për shtyp ka njoftuar se njësiti special i Policisë së Kosovës “ROSU” ka arrestuar 15 serbë, punëtorë të Parkut Nacional “Sharri” në Brezovicë.
Gjuriq aksionin e Policisë së Kosovës e ka lidhur me synimet e Kosovës për anëtarësim në organizatën për trashëgimi kulturore, UNESCO.
Ai ka paralajmëruar se për këtë arsye do ta thërrasë një mbledhje urgjente të qeverisë serbe për të kordinuar hapat e mëtutjeshëm, ndërsa aksionin e ka quajtur provokim dhe shkelje të Marrveshjes së Brukselit.
“Serbia nuk mund të rrij e qetë, dhe nuk do të rrij e qetë të shikoj se si zhvishet nga trashëgimia kulturore, si dhe ndaj shkeljes së të drejtave themelore të serbëve në Kosovë”, ka thënë Gjuriq.