Militantët e Shtetit Islamik kanë prezantuar monedhat që do të përdoren në zonat e pushtuara nga ata. Ato janë prej floriri, argjendi dhe më pak të çmuarat prej bakri.
Monedha e ISIS nuk do të mund të përdoret për tregti jashtë territoreve që kontrollon. Por, ndërsa lartëson monedhën e tij të re - shkruajnë mediat britanike - ISIS vazhdon t’i paguajë bandat e xhihadistëve me dollarë amerikanë, ndërsa këto të fundit apo edhe monedhat lokale përdoren gjithashtu edhe për shkëmbimet tregtare.
ISIS pretendon se dinari i artë 21-karatësh dhe me peshën prej 4.25 gramësh do të jetë i barasvlefshëm me 139 dollarë amerikanë.
Ajo që është interesante në videon propaganduese është se këtë dinar tek masat e promovon Lavdrim Muhaxheri.
Në video Muhaxheri në fund po ashtu përsërit kërcënimet e tij për luftë, në arabisht e anglisht.