Trishtuese: Trupat e pajetë të emigrantëve të mbytur dalin në bregdet (Foto+18)

Lajme

Trishtuese: Trupat e pajetë të emigrantëve të mbytur dalin në bregdet (Foto+18)

Më: 28 gusht 2015 Në ora: 20:58

Pamje shokuese vijnë nga Libia ku trupat e mbytur në Mesdhe kanë filluar të dalin në breg si pasojë e dallgëve. Sipas autoriteteve libiane janë gjetur vetëm gjatë ditës së sotme 82 trupa të pajetë të cilët besohet se u mbytën në tragjedinë më të fundit.

2 anije të tejmbushura me rreth 450 emigrantë nga Afrika dhe që ishin nisur drejt Italisë, u mbytën pranë brigjeve libiane duke shkaktuar më shumë se 200 të vdekur.

Sipas autoritetve shumë prej tyre ishin bllokuar nën ujë dhe nuk mundën të shpëtonin.

Roja bregdetare libiane arriti të shpëtonte 200 prej klandestinëve, pjesa më e madhe e të cilëve u transportuan në një qendër pritje perëndim të Tripolit.

Një prej të mbijetuarve tha për Reuters se ishte i vetëdijshëm që udhëtimi do të ishte i rrezikshëm, por nuk kishte asnjë rrugë tjetër.

Ai tha se anija nuk ishte në kushte të mira dhe e tejmbushur me klandestinë.

Sot mund të lexoni Shfletoni kopertinat