Besnik Hamiti - gazetar i televizionit publik gjerman, ARD - që me ditë të tëra kishte qëndruar në Gjevgjeli të Maqedonisë, rrëfen për Telegrafin rastin e veçantë të ushtarit shqiptar të Ushtrisë së Maqedonisë.
Ky ushtar (emër i njohur për redaksinë), me plot vullnet përkrahte e ndihmonte refugjatët. Madje, ai bënte edhe kontrolle: i zinte konduktorët që vidhnin para dhe i detyronte që t’ua kthenin menjëherë refugjatëve.
Se si e respektonin atë refugjatët, kjo mund të shihet edhe nga fotografia që ka bërë Besnik Hamiti.
