Agjencia e Statistikave të Kosovës (ASK) ka publikuar Statistikat e Mirëqenies Sociale për TM2 2015. Sipas tyre rezulton se numri i familjeve, të cilat kanë përfituar ndihmë sociale në tremujorin e dytë (TM2) 2015 ka qenë 26 947, me gjithsej 112 563 anëtarë.
Krahasuar me TM2 2014, numri i familjeve që kanë përfituar ndihmë sociale ka shënuar rënie për 2 825 familje, ose shprehur në përqindje 9.5 për qind.
“Numri i përfituesve nga pensionet bazë të moshës në TM2 2015 ishte 128 190. Krahasuar me TM2 2014, numri i përfituesve nga pensionet bazë të moshës është më i madh për 8 663 ose shprehur në përqindje 7.2 për qind”, ka njoftuar ASK-ja.
Numri i përfituesve nga pensionet kontributpaguese të moshës në TM2 2015 ishte 39 047. “Krahasuar me TM2 2014, numri i përfituesve nga pensionet kontributpaguese të moshës është më i madh për 1 711 ose shprehur në përqindje 4.6 për qind”.
Numri i fëmijëve të braktisur në TM2 2015 ishte 7. Krahasuar me TM2 2014, numri i fëmijëve të braktisur është më i vogël për 4 ose shprehur në përqindje 36.3 për qind.
