Ambasadorja amerikane në Kosovë, Tracey Ann Jacobson pos që flet shqip para përfundimit të misionit të saj në vendin tonë, e ka dëshmuar se di edhe të vallëzojë vallen shqiptare.
Një gjë të tillë diplomatja amerikane e bëri në një kremte të organizuar për nder të festimit të 4 korrikut -Ditës së pavarësisë së SHBA-ve nga biznesmeni kosovar që jeton dhe vepron në Amerikë, Harry Bajraktari në shtëpinë e tij në Vranoc të Pejës.
Në minutën e 12:35 sekonda të videos që Bajraktari e ka postuar në faqen e tij në Facebook shihet sesi amerikanja vallëzon nën tingujt e muzikës shqipe, njofton Klan Kosova.
