Spitali i Fëmijëve në Filadelfia njofton se ka realizuar me sukses transplantimin e të dyja duarve në një pacient.
Një djalë 8-vjeçar u bë i pari pacient që bën transplant të të dyja duarve pas një operacioni 10-orësh.
Djali dukej shumë entuziast dhe u shpreh se ishte shumë i gëzuar pas operacionit.
Një ekip mjekësor prej 40 vetash instaluan pllaka çeliku për të lidhur kockat e djalit me kockat e duarve të transplantuara, si dhe lidhën venat, tendinat, muskujt e nervat korrespondente.
Një ndër kirurgët që punuan në këtë operacion tha se ekipi kishte arritur të lidhte të gjitha pjesët dhe gjaku po qarkullonte nga trupi në duart e transplantuara, në mënyrë që gjymturët jo vetëm të dukeshin normale, por edhe të funksiononin si të tilla.
Djali tani po bën terapi për të fituar aftësinë e lëvizjes së duarve.
Ai kishte bërë operacion për prerjen e këmbëve, duarve dhe heqjen e një veshke pas një infeksioni të rrezikshëm. Para transplantimit të duarve, djali pat vënë proteza për këmbët që e ndihmojnë për ecë, të vrapojë dhe të notojë.