Instituti Hidrometeorologjik i Kosovës njofton se deri të mërkurën në Kosovës do të mbretërojnë temperatura të larta.
Sipas IHMK-së vendi do të ndikohet nga masat e nxehta të ajrit të cilat burimin e kanë nga Afrika Veriore.
“Këto masa do të jenë të qëndrueshme në pjesën dërmuese të javës që po hymë. Temperaturat minimale do të lëvizin ndërmjet 15-17 gradë Celsius, kurse maksimalet e ditës, nga dita e hënë deri të mërkurën, do të lëvizin ndërmjet 31-35 gradë Celsius. Të enjten ka mundësi që vende-vende të ketë riga shiu”, thuhet në njoftim.
Edhe përgjatë vijës bregdetare sic njofton IHMK pritet të mbajë mot i nxehtë me temperatura tipike verore. Temperaturat më të ulëta do të lëvizin ndërmjet 17-23 gradë Celsius, derisa maksimalet e ditës do të lëvizin nga 31-38 gradë celsius.
