Ky është makthi i çdo prindi!
Të lësh fëmijën në një kamardare mbi ujë dhe të shpërqendrohesh për disa çaste, mund të jetë fatale.
Kështu ka ndodhur me disa prindër në Turqi, të cilët e lanë vajzën e tyre të vogël Melda Ilgin mbi një kamardare, por ajo nisi të largohej me shpejtësi.
Plazhistët e tmerruar u përpoqën që ta shpëtonin, por ishte e pamundur.
Vajza 10-muajshe vazhdonte të largohej në drejtim të Greqisë.
Falë ndërhyrjes së rojeve bregdetare, bebja u shpëtua pasi ishte larguar rreth 1 kilometër.
Gjithçka nisi në plazhin Kucukkuyu.
Prindërit e lanë fëmijën mbi pajisjen pluskuese dhe nisën të relaksohen.
Megjithatë erërat e forta e tërhoqën me shpejtësi drejt ishullit grek të Lesbos.
Pasi u bashkua me familjen, ata u larguan me shpejtësi, ndërsa plazhistët i shihnin me zemërim prindërit e papërgjegjshëm.