Një avion me emigrantë nga Suedia ka arritur në aeroportin “Adem Jashari” në Prishtinë pasditen e së enjtes.
Lajmin për kthimin e refugjatëve e ka konfirmuar Drejtori i Departamentit për shtetësi, azil dhe migracion, Valon Krasniqi.
Ai i tha Klan Kosovës me telefon se janë kthyer 107 kosovar nga Suedia ku shumica prej tyre ishin vullnetar por pati edhe prej atyre që u dëbuan me forcë.
Krasniqi bëri të ditur se numri i të kthyerve është rritur vitin e kaluar ku numri ishte 4600 të riatdhesuar kurse këtë vit në 6 mujorshin e parë numri ka kaluar mbi 10.000.
Ai gjithashtu tha se këta emigrant i takojnë valës së fundit të emigracionit dhe ata nuk do të përfitojnë nga fondi i ri integrimit.