Prizren, familja e besimit mysliman i falë gjakun familjes së besimit katolik

Lajme

Prizren, familja e besimit mysliman i falë gjakun familjes së besimit katolik

Më: 1 korrik 2015 Në ora: 10:55

Në Prizren ka ndodhur një shembull i humanitetit dhe i tolerancës ndërfetare, deri në sakrificë.

Falë përkushtimit dhe angazhimeve të pajtimtarëve të rajonit të Prizrenit, së bashku me anëtarë të klerit fetar mysliman e katolik është mundësuar falja e gjakut të djalit nga familja e besimit mysliman e të vrarit Rrahim Tarjani nga Pirana, familjes së autorit të vrasjes, Ndue Çettës nga Smaqi, familje e besimit katolik.

Pjesë e këtij akti burrëror ishin përveç misionarëve ta pandalshëm për pajtimin e gjaqeve nga rajoni i Prizrenit edhe shumë njerëz të tjerë miq të familjeve Tarjani e Çetta.

Ky akt i familjes Tarjani, është vlerësuar jashtëzakonisht nga Fetah Bekolli, kryetar i këshillit për pajtimin e gjaqeve në rajonin e Prizrenit. Ai tha se shembullin e kësaj familje duhet ta ndjekin edhe të tjerët, sepse një gjë e tillë tha ai e bëjnë njerëz të fuqishëm moralisht, kombetarisht dhe në aspektin fetar.

Ndërkaq, edhe imami dhe anëtari i këtij Këshilli, Xhevat Kryeziu, dhe priftërinjtë, Don Robert Jakaj dhe Don Pashk Dani, faljen e gjakut të djalit nga familja Tarjani e vlerësuan akt fisnik dhe burrëror që jep mesazhe të fuqishme njerëzore.

Ndryshe si pasojë e disa mosmarrëveshjeve rreth nxjerrjes së zhavorrit në lumin Drini i Bardhë, me 5 maj të vitit 2010 në fshatin Zojzë, gjatë një zënke Ndue Çetta nga Smaqi, ka privuar nga jeta Rrahim Tarjanin, duke shtënë në drejtim të tij me armë zjarri. /TV Prizreni/

Sot mund të lexoni Shfletoni kopertinat