Kryeministri i Republikës së Kosovës, Isa Mustafa, do të marrë pjesë sot në Forumin Ekonomik të Vjenës që zhvillon punimet në Tiranë.
Në këtë forum të nivelit të lartë, marrin pjesë kryeministrat e vendeve të rajonit, liderë të vendeve të BE-së, udhëheqës të lartë të Bashkimit Evropian, si dhe personalitete të shquara evropiane dhe më gjerë.
Në këtë forum do të jenë po ashtu edhe kryeministri i Serbisë Aleksandar Vuçiq dhe ai i Maqedonisë Nikolla Gruevski.
Por pritet të shihet se a do të rrijë në forum kryeministri i Serbisë Vuçiq, pasi ky i fundit ka thënë se do ta lëshojë sallën nëse Kosova prezantohet si shtet.
