Sulmet ndaj personave zyrtarë nga ana e qytetarëve dita ditës po rriten.
E këtë e dëshmojnë edhe raportet policore. Policia e Kosovës ka njoftuar se gjatë ditës së djeshme në magjistralen Mitrovicë-Prishtinë janë arrestuar dy të dyshuar meshkuj K-Shqiptarë, pasi që njëri nga të dyshuarit kishte bërë vozitje të shpejtë duke e drejtuar autobusin mercedes me targa lokale.
Njësiti policor i ka shqiptuar tiketë për kundërvajtje, me ç’rast dy të dyshuarit më pas kanë filluar t’i ofendojnë dhe e kanë sulmuar fizikisht njërin nga zyrtarët policorë duke i shkaktuar lëndime trupore.
Viktimës zyrtarit policor i është ofruar tretman mjekësor. Zyrtaret policor kanë arrestuar të dyshuarit te cilët me urdhër të prokurorit janë dërguar në mbajtje.
E rast i ngjashëm ka ndodhur edhe në Prizren në rrugën “William Woker”, ku policia ka arrestuar një të dyshuar pasi që i njëjti ka refuzuar të bënte alkotestin dhe ka ofenduar zyrtarët policorë e më pas njërin nga zyrtarët e kishte sulmuar fizikisht, me ç’rast i ka shkaktuar lëndime të lehta trupore.
E këto sulme siq duket u janë bërë zakon qytetarëve të Kosovës. Edhe në qytetin e Pejës dje policia ka arrestuar tre të dyshuar meshkuj K-Shqiptarë, pasi që të njëjtit pas një mosmarrëveshje pas një aksidenti në trafik kanë penguar edhe zyrtarët policorë, duke u sjellë me agresivitet dhe duke mos përfillur urdhrat e zyrtarëve policorë.
Tek njëri nga të dyshuarit gjatë kontrollimit është gjetur dhe konfiskuar edhe një sprej. Me urdhër të prokurorit të dyshuarit janë dërguar në mbajtje.