Halil Matoshi po i mban leksione atdhetarie Anton Qunit! Vaj medet kjo punë. Halil Matoshi po del se i njeh edhe teoritë ushtarake më mirë se sa kolonel Anton Quni, i cili jo vetëm ka qenë njëri prej udhëheqësve kryesor në betejën e Koshares, por madje ka arritur të fitojë betejat vendimtare në Koshare me armikun serb. E për pasojë të luftës ai i ka sot plagët në fytyrë. Kjo nuk do të thotë që edhe Halili për të qenë patriot duhet të ketë plagë, nëse e ndjekim logjikën krahasimtare të qasjes së menduar nga ky publicist.
Por, ndoshta edhe Halili po shkruan tashmë për tu bërë pjesë e citimeve në mediat online nëpërmjet statuseve në rrjetet sociale. Por, beteja në rrjetet sociale dhe në luftëra nuk është aspak e ngjashme, dhe aq më pak të ketë shenja barazie.
T’i dalësh në mbrojtje atyre që janë vrarë në një luftë trishtuese, ku një ushtri e tërë është vënë kundër një grupi shqiptarësh, nuk është mungesë patriotizmi. Nëse pushteti sllavo-maqedon e kishte seriozisht me këtë grup shqiptarësh, atëherë do të duhej që ti kapte të gjallë, në fakt edhe ashtu i kapi thuaja shumicën prej tyre, por i ekzekutoi pa gjyq. Pra, nuk dëshironte as drejtësi dhe as zbardhje të së vërtetës, as të Kumanovës.
Vetë ekzekutimi pa gjyq nga shteti, e bën përgjegjës shtetin dhe pushtetarët për vendimet arbitrare në dëm të jetës njerëzore dhe shtetit juridik.
Andaj Halili është i tejlajthitur nga ndjenja e tij e kosovarizmit, që për të dhe ‘filozofinë’ e tij, është punë e brendshme e Maqedonisë se [farë ndodh atje, dhe aq më tepër që me shqiptarët në Maqedoni nuk na lidh asgjë, pasi ne jemi, ‘kosovar’, një komb tjetër! I. M.
