Në pranverën e vitit 1981 u organizua një protestë nga studentët.
Pjesë e saj ishte edhe Afrim Abazi, i cili u vra nga regjimi i atëhershëm.
Tash 34 vjet më vonë, vëllau i tij Fatoni tregon për ditën kur e humbi vëllanë, transmeton Klan Kosova.
Sipas tij, institucionet nuk po bëjnë asgjë për vëllanë e për gjithë dëshmorët e tjerë të 1981-ës.
Familjarët e 150 të vrarëve në periudhën 1981-1987 janë shumë të indinjuar pse këtyre të vrarëve nuk iu është njohur statusi i dëshmorit dhe heroit të kombit.
Të shtunën ata e patën një takim në të cilin u zotuan se nëse kërkesat e tyre nuk realizohen, do të vazhdojnë me forma të ndryshme të protestojnë deri në implementimin e ligjit në tërësi.