Një zjarr ka rënë gjatë natës në aeroportin ndërkombëtar të Fiumicinos në Itali. Mediat italiane raportojnë se zjarri ka rënë në Teerminalin 3 në Aeroportin Ndërkombëtar ‘Leonardo da Vinçi’.
Tre persona të cilët ndodheshin brenda terminalit janë lënduar si pasojë e tymit.
Fluturimet janë pezulluar, ndërsa aeroporti është mbyllur plotësisht deri në orën 14:00 të ditës së sotme.
Shërbimi zjarrfikës po punon me 15 ekipe për neutralizimin e flakëve. Ende nuk dihen shkaqet dhe motivet e zjarrit në aeroport, ndërkohë që vijojnë hetimet.